O Concello de Monforte está a desenvolver diversas actividades deportivas para o verán. En primeiro lugar, o Campamento Deportivo de Verán deu comezo o pasado 13 de xullo e actualmente desenvolve a súa segunda quenda de actividades entre o 27 de xullo e ata o 7 de agosto.
No día de hoxe, 3 de agosto, deu comezo a actividade do XIV Campus de Fútbol Cidade de Monforte – R.C. Celta de Vigo que conta cun total de 54 nenos e nenas participantes con idades comprendidas entre os 7 e os 14 anos. Así, os e as participantes levarán a cabo a actividade entre o luns 3 e o venres 7 de agosto no Campo Municipal de Fútbol Luis Bodegas entre as 10:00 e as 13:00 h.