O Concello de Ourense ven de aprobar a ampliación, ata o martes 11 de agosto, da campaña “Un libro desconfina a túa imaxinación”, que busca agasallar cun libro a todos os nenos ourensáns nacidos entre 2002 e 2016. A acción busca promover a lectura entre os cidadáns máis pequenos ao tempo que dinamiza o sector libreiro, especialmente afectado polo peche dos negocios decretado polo estado de alarma.
Ata o momento, entregáronse un total de 6.960 exemplares a máis do 50% do censo ao que se dirixe a campaña. O agasallo pódese adquirir en calquera das 35 tendas de libros que participan no proxecto.
O Concello cubre únicamente 20 euros por agasallo e, se o libro en cuestión é máis caro, a diferenza deberá ser aportada polo cliente. Tamén están excluídos os libros de texto e os menores de 14 anos deberán acudir acompañados dos seus parentes ou titores legais.
