Publicidade
OurenseÚltima hora

O Concello de Ourense convoca axudas para libros e comedores escolares

O obxectivo é dar apoio ás familias con menor poder adquisitivo e en desvantaxe social

Publicidade

O Concello de Ourense convoca axudas para a compra de libros e material escolar e comedores escolares no próximo curso 2020/2021. Xunto a esta convocatoria ordinaria de axudas para libros e comedores, que se realiza todos os anos, a Concellería de Política Social traballa tamén nunha segunda convocatoria, extraordinaria, co obxectivo de que “ningunha familia que precise estas axudas se quede sen elas”, sinala a concelleira Eugenia Díaz Abella.

 

Foto: Mónica G. Bellver.

 

As axudas están dirixidas a unidades de convivencia en desvantaxe social e con menor poder adquisitivo residentes e empadroadas no Concello de Ourense que non superen os 3.500 euros de renda per capita anual, e que teñan nenos ou nenas ao seu cargo estudando en centros públicos ou concertados de Ourense. O orzamento ascende a un total de 294.250 euros.

As solicitudes presentaranse no rexistro xeral do Concello de Ourense, na Praza Maior, ou en calquera das formas previstas no artigo 16.4 da Lei 39/2015, do 1 de outubro, do procedemento administrativo común das administracións públicas, achegando a documentación requirida nas bases reguladoras. O prazo para presentar as solicitudes abrirase o luns, 22 de xuño, e permanecerá aberto durante 15 días hábiles.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close