Ao longo desta semana iniciáronse os traballos de mellora da estética da cidade, por parte do Concello de Ourense, centrados na plantación de nova xardinería e na posta en valor dos distintos elementos decorativos florais. No caso das xardineiras retiráronse un total de 58 para o seu lixado e pintado, de forma que poidan volver ás rúas xa decoradas con planta de tempada.
Esta acción en marcha, lembra o concelleiro de Medio Ambiente, Jorge Pumar, ten como obxectivo “que os ourensáns volvan gozar e presumir da súa cidade, paseando por unha urbe chea de cor, da cor que lle proporcionarán as máis de 20.000 novas plantas e decoracións florais”. Pretende, tamén, “servir de reclamo para que as rúas comerciais recobren a súa vida e lozan con maior esplendor, incentivando as compras na cidade”, asegura. As especies florais elixidas para os acondicionamentos inclúen plantas e flores de tempada como as begonias, caraveis (tajetes patula) ou alegrías (sunpatiens), entre outras.
As actuacións abarcan espazos singulares da cidade coma a zona das Burgas, a zona vella, a praza do Bispo Cesáreo, Avda. Otero Pedrayo ou a zona do parque de San Lázaro, pero tamén espazos representativos da trama urbana, como as glorietas de Nexus, o acceso Centro, Nosa Señora da Saínza, ou Bonhome, zonas de grande tránsito de ourensáns e visitantes.
Fotos: Concello de Ourense