O Concello de Ourense premiará con 800 euros ao gañador do concurso de carteis da Festa dos Maios

O prazo de presentación das propostas remata o 23 de abril

Cantando coplas na Festa dos Maios 2017. /Foto: Carlos Asensio.

O vindeiro luns 23 de abril, remata o prazo para participar no concurso convocado polo Concello de Ourense, a través da Concellería de Cultura, para elixir o cartel anunciador da Festa dos Maios 2018 que está dotado cun premio de 800 euros para o autor ou autora da obra gañadora.

Poderá presentar as súas propostas calquera persoa física ou xurídica e os traballos deberán remitirse ao Rexistro Xeral do Concello dentro dun sobre, onde figurará “Concurso carteis Maios 2018” e debaixo un pseudónimo ou lema. Dentro deste sobre deberá meterse outro mais pequeno pechado que irá rotulado co mesmo nome e pseudónimo, e que no seu interior conterá os datos de identificación, enderezo e teléfono do concursante. Só se abrirá o sobre da obra que resulte premiada. Os carteis, que deberán ter un tamaño de 50×70 centímetros deberán ser orixinais e inéditos, e incluír obrigatoriamente o texto “Maios, Festa de interese turístico”.

 

Preparando un Maio, en Ourense. /Foto: Carlos Asensio.

A obra galardoada utilizarase tamén como imaxe gráfica integrante dos anuncios na prensa escrita, carteis, mobiliario urbano publicitario, e outros elementos divulgativos que editará o Concello para facer promoción do programa de actividades desta festa. Os carteis premiados deberán presentarse en formato electrónico para a súa mellor reprodución e adaptación, e pasarán a ser propiedade municipal con todos os dereitos de libre reprodución e difusión.

As persoas interesadas poden consultar as bases na páxina web da Concellería de Cultura: www.ourensecultura.com.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies