Publicidade
OurenseÚltima hora

O Concello de Ourense reparte 700 rosas brancas para celebrar o Día da Nai

Para a entrega elixíronse as proximidades do CHUO e a rúa do Paseo

 

Neste domingo 3 de maio, o Concello de Ourense celebra o Día da Nai repartindo 700 rosas brancas entre as nais da cidade como “símbolo de gratitude polo brillante comportamento e o esforzo exemplar durante este período de confinamento, onde o traballo, a educación, a familia e o fogar fixeron do seu día a día unha tarefa aínda máis heroica”.

Esta homenaxe, a través da Concellería de Medio Ambiente e en colaboración coa Asociación de Floristas de Ourense, serve de apoio a un dos sectores que sufriron máis de preto a crise da COVID-19: o de floristas de Ourense. Un sector, que nos seus meses máis importantes e decisivos (chegada da primavera, Día da Nai…), viuse obrigado a pechar para cumprir as normas sanitarias perdendo, en moitos casos, gran parte dos seus produtos en stock.

Elixíronse como lugares de entrega as proximidades do Complexo Hospitalario e a rúa do Paseo, diante do antigo Banco de España, puntos seleccionados polo especial simbolismo para a veciñanza de Ourense.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close