EconomíaEconomíaÚltima hora

O Concello de Quiroga autoriza a celebración de feiras e mercados tradicionais

Imaxe de arquivo dun mercado tradicional en Quiroga./ Foto: Carlos G. Hervella.

 

O vindeiro día 27 xa se poderá celebrar a feira en Quiroga. Así se vén de anunciar dende este Concello, que decidiu “autorizar a celebración das feiras e mercados tradicionais despois de que se lle permita aos concellos decidir a súa apertura”.

O Concello de Quiroga establece “uns requisitos mínimos de distanciamento entre os postos co fin de garantir a seguridade e a distancia entre traballadores, clientes e viandantes. Á vez que dará preferencia a aqueles postos de venda de produtos alimentarios e de primeira necesidade”, segundo informa esta administración local.

Ademais garantirase “a limitación dos postos habituais a un número inferior do habitual ou ao aumento da superficie habilitada para a feira, se fose preciso, para a separación dos postos. Respectarase a distancia de dous metros entre persoas e evitarase a manipulación de produtos por parte dos posibles clientes”.

Dende o Concello de Quiroga tamén apelan, “unha vez máis, á responsabilidade tanto de tendeiros como de clientes para cumprir a normativa marcada nesta nova fase de desescalada e de volta a unha relativa normalidade”. E recordan “a importancia de manter a distancia social”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close