Publicidade
En portadaÚltima hora

O Concello de Río e a súa residencia de maiores promoven unha iniciativa para que ninguén pase o Nadal só

Residencia da terceira idade de San Xoán de Río./ Foto cedida.

 

Buscando que ningunha persoa pase unhas datas de Nadal soa no municipio de San Xoán de Río, o seu Concello en colaboración coa residencia de maiores veñen de promover unha singular iniciativa nestas festas.

“Tendo constancia de que no noso Concello existen persoas que viven soas e non teñen familiares directos que poidan acompañalos nestas datas, dende o Concello de San Xoán de Río, en colaboración coa residencia San Xoán, animamos as persoas que así o desexen e, de maneira gratuíta, a desfrutar de cea, aloxamento e xantar o día seguinte na Residencia San Xoán”, tal e como informa o alcalde de San Xoán de Río, Xosé Miguel Pérez Blecua.

Tres son as datas nas que funcionará este programa:

1º 24/25 de decembro (Noiteboa-Nadal): Cea de Noiteboa, aloxamento e xantar de Nadal.
2º 31 de decembro/1 de xaneiro (Fin de ano-Aninovo): Cea de Fin de ano, aloxamento e xantar de Aninovo.
3º 5/6 de xaneiro (Reis): Cea de Reis, aloxamento e xantar de Reis.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close