DeportesÚltima hora

O Concello de Verín retoma o programa infantil Kero Kolo

As inscricións pódense realizar no Servizo de Deportes situado no pavillón a partir do 9 de xaneiro de 2020

Imaxe da actividades do programa./ Foto: Concello de Verín.

 

A partir do 14 de xaneiro, a área de Deportes do Concello de Verín ten previsto retomar o programa infantil Kero Kolo. “Esta iniciativa busca converterse nun espazo de encontro entre familias e menores (de 1 a 3 anos de idade) onde, acompañados pola persoa directora das sesións, crearase un espazo relacional, asentando así as bases para unha sólida educación e convivencia con outros iguais”, informan dende o Concello de Verín.

Este programa, que se desenvolverá todos os martes e xoves, de 11h. a 12:30 h., na aula de psicomotricidade do pavillón municipal de deportes, “ten por obxecto crear unha serie de actividades de interacción e participación entre os menores e as familias nas que se desenvolven iniciativas de educación infantil conxuntas e propostas polos participantes, é dicir, unha aula de convivencia que será unha antesala de entrada ao centro educativo e a compartir experiencias cotiás.

As inscricións pódense realizar no Servizo de Deportes situado no pavillón ou no teléfono 988.41.11.40, a partir do 9 de xaneiro de 2020.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close