ConcellosÚltima hora

O Concello de Verín reúne aos veciños para abordar a organización do Entroido

A reunión está prevista para o venres 21 de outubro no Salón de Actos da Casa da Cultura desta localidade
Cigarróns durante o Entroido en Verín./ Foto: Carlos G. Hervella.
Cigarróns durante o Entroido en Verín./ Foto: Carlos G. Hervella.

Con fin de facer un deseño colaborativo da celebración do vindeiro Entroido, o Concello de Verín, a través da concellería de Festexos, convoca aos cidadáns interesados en participar na organización desta festa a unha reunión informativa que terá este venres 21 de outubro, ás 20:00 horas, no Salón de Actos da Casa da Cultura verinesa.

Neste encontro trataranse diferentes aspectos de cara ao bo desenvolvemento do Entroido para así, “entre todos/as, coordinar a súa organización e lograr que siga crecendo en calidade, seguridade e atractivo turístico, sen perder as súas máis arraigadas tradicións”, segundo se indica dende o Concello.

Emilia Somoza, concelleira de Cultura e Festexos de Verín, asegura que esta xuntanza será “a primeira de moitas”, desde o seu departamento búscase “animar aos/ás verineses/as a participar de maneira activa na preparación do Entroido”. A edil indica que “o Entroido é unha festa que xorde do mesmo pobo, desde tempos ancestrais e por iso queremos crear estes encontros de participación cidadá para coñecer as ideas de todos/as”.

As persoas interesadas en ampliar máis información poden chamar ao teléfono 988 41 00 01 ou escribir un correo electrónico ao enderezo cultura@verin.gal .

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close