Publicidade
ConcellosÚltima hora

O Concello de Viana anuncia a reapertura de oficinas e instalacións municipais

Esta medida, que se aplicará a partir do 18 de maio, vén de darse a coñecer a través dun bando municipal asinado polo alcalde

 

A través dun bando o Concello de Viana do Bolo vén de dar a coñecer unha resolución da alcaldía relativa á reapertura de edificios e instalacións municipais a partir de mañá luns 18 de maio. Así na resolución o alcalde vianés, Secundino Fernández, a “reapertura das Oficinas Administrativas do Concello para a atención presencial ó público, exclusivamente para a realización de trámites ante o Rexistro, e previa concertación de cita no teléfono 988 340 120”.

Neste senso, matízase que “deberán respectarse, en todo caso, as medidas de prevención e hixiene, mantendo unha distancia de seguridade de 2 metros, se ben recoméndase o uso de máscara protectora. As usuarias e usuarios terán a súa disposición xeles hidroalcóholicos para a desinfección de mans, así como máscaras cirúrxicas no caso de non dispor dunha propia”.

Tamén se ordea a “reapertura das Oficinas dos Servizos Sociais do Concello para a atención presencial, suxeita, en todo caso, a concertación de cita previa no teléfono 988 329 260, respectando igualmente as medidas sinaladas no ordinal anterior”.

Así mesmo o bando refírese á “reapertura da Biblioteca Pública Municipal para actividades de préstamo e devolución de obras a partires do vindeiro luns, 18 de maio”, se ben a “atención requirirá a solicitude de cita previa no teléfono 988 329 168”.

Tamén se reabrirán  as “pistas de tenis e pádel sitas no complexo das piscinas municipais, exclusivamente para a práctica de deportes sen contacto con terceiros e mantendo as debidas medidas de seguridade e protección contidas na citada Orde. Deberá concertarse cita previa nas canles habituais, e respectar a quenda que sexa asignada”.

O bando do Concello de Viana do Bolo pode consultarse aquí:

Bando apertura oficinas administrativas

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close