ConcellosÚltima hora

O Concello do Barco emite un bando informando dos supermercados e farmacias que atenden pedidos por teléfono

Concello do Barco. /Foto: A.R.

 

O Concello do Barco vén de realizar xestións con supermercados e farmacias da localidade e, tras estas conversas, acaba de emitir un bando informativo que recolle os datos dos establecementos que se prestan a recibir encargos por teléfono.

“A idea é conseguir que a xente que pode saír de casa non o faga varias veces aodía coa excusa de ir á compra, e que os que non poden, por razóns fundamentadas, poidan contar con servizos a domicilio”, indican dende o Concello do Barco.

No bando lémbrase que “as compras deben facerse de xeito individual e procurando non ter que facer compras todos os días, para evitar riscos innecesarios. Comunícase a este respecto que as compras non poden ser unha escusa para saír tres veces ao día a rúa, e que este tipo de actitudes poden ser sancionadas. Pero, sobre todo, supoñen un risco importante e innecesario para toda a veciñanza do Barco, onde a día de hoxe xa hai casos confirmados”.

Tras os contactos telefónicos, o Concello confirma no bando que “todas as farmacias do casco urbano atenderán de xeito telefónico aos clientes, co único requisito de facilitar os datos da tarxeta sanitaria, e tamén proporcionarán a medicación as persoas que os clientes autoricen previamente”.

Ademais apórtanse os teléfonos das farmacias do Barco de Valdeorras:
-Farmacia Gurriarán: 988320081
-Farmacia Darío: 988325105
-Farmacia Nieves:988320375
-Farmacia Malecón: 988684541
-Farmacia Viloira: 988326188

No referido aos supermercados e tendas de alimentación, o Concello do Barco indica no bando que os que seguen a continuación amosáronse dacordo “en atender pedidos por teléfono a persoas con necesidades especiais (de avanzada idade, con dificultades de mobilidade ou con enfermidades), e facer a entrega das compras no domicilio”:

-Supermercado Froiz: 988347205
-Supermercado Gavela: 988322188
-Supermercado Covirán (Corzo): 988320758
-Supermercado El Rincón: 655385989
-Estrella e Hijas: 988325559

 

O bando íntegro pode consultarse aquí:covid5

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close