ConcellosÚltima hora

O Concello do Barco informa sobre a tramitación para as axudas do “Real Decreto-lei 11/2020”

Os certificados de empadroamento poderán solicitarse a través do rexistro do Concello

Concello do Barco. /Foto: A.R.

 

O Concello do Barco de Valdeorras ten suspendida a atención presencial aos cidadáns e a tramitación dos procedementos administrativos, “agás determinadas actuacións, trámites e procedementos. Non se atopa suspendida a emisión de certificados”, tal e como se destaca nun comunicado que vén de emitir esta administración local.

Durante a duración do estado de alarma e as súa prórrogas, “e co obxecto de facilitar os certificados esixidos por este Real Decreto-ley 11/2020, e sen eludir a suspensión da atención presencial dos servizos municipais, os certificados de empadroamento se poderán solicitar a través do rexistro do Concello, na seguinte na dirección electrónica: https://sede.concellodobarco.org/index.php?id=registro. Os solicitantes poderán acceder a estes documentos mediante comparecencia electrónica, unha vez emitidos, e excepcionalmente, poderán remitirse mediante correo electrónico”, indica o Concello barquense.

Dende esta administración local tamén se lembra que o “Real Decreto-ley 11/2020, de 31 de marzo, por el que se adoptan medidas urgentes complementarias en el ámbito social y económico para hacer frente al COVID-19” establece axudas sociais e económicas para paliar as consecuencias económicas da crise provocada polo COVID-19. Trátase de axudas destinadas a traballadores, consumidores, familias e colectivos vulnerables para aliviar situacións de precariedade e que poidan dispoñer duns ingresos mínimos.

O Real Decreto-lei 11/2020, de 31 de marzo, establece as seguintes axudas:

a)Obtención de moratorias ou axudas para o pago da renda da vivenda habitual.

b)Moratorias hipotecarias e de créditos non hipotecarios.

c)Bono social para traballadores autónomos que tiveran cesado a súa actividade ou tiveran visto reducida a súa facturación como consecuencia do COVID-19.

Para acreditar atoparse nas dúas primeiras situacións (apartados a e b) esíxese a presentación dun “certificado de empadronamiento relativo a las personas empadronadas en la vivienda, con referencia al momento de la presentación de los documentos acreditativos y a los seis meses anteriores”.

Para acreditar ter dereito ao bono social do apartado c) esíxese certificado de empadroamento en vigor, individual o conxunto, do titular de punto de subministro, ou de todos os membros da unidade familiar.

A documentación que terá que presentar por medio da sede electrónica do Concello do Barco para obter os certificados será a solicitude e escrito asinado dos maiores de idade da unidade familiar, consentido ao solicitante para que realice a solicitude e obteña o certificado colectivo de empadroamento (agás que xa conste nas dependencias municipais).

Segundo sinala o Concello, para o caso de non dispoñer de certificado válido para relacionarse coas Administracións públicas debe ter en conta que para os dous primeiros supostos (letras a e b) se prevé polo Real Decreto-lei que se o solicitante non puidera aportar algún dos documentos requiridos o substitúa mediante unha declaración responsable que inclúa a xustificación expresa dos motivos, relacionados coas consecuencias do COVID-19, que lle impiden a aportación.

Trala finalización do estado de alarma e as súas prórrogas dispoñerá do prazo dun mes para a aportación dos documentos que non tivera facilitado. (Os motivos para non poder obter o certificado de empadroamento esixido nos supostos das letras a) e b) son que o Concello ten suspendida a atención ao público decretado por resolución 454/2020 do 16 de marzo, sen que poda acceder á tramitación electrónica).

INFORMACIÓN NO TELÉFONO: 988320202 extensión 1114

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close