ConcellosÚltima hora

O Concello do Barco organiza un curso de instalación de mobles e outro de “atención sociosanitaria a persoas dependentes”

O número de prazas para o alumnado é limitado, con un máximo de 15 persoas por curso, e nestes momentos aínda quedan 2 prazas para o de instalación de mobles

Exterior da Casa Consistorial do Barco./ Foto: A.R.

 

O Concello do Barco de Valdeorras organiza dous cursos, un de instalación de mobles e outro de “Atención sociosanitaria a persoas dependentes en institucións sociais”, ambos con certificado de profesionalidade de nivel 2.

“Trátase de cursos totalmente gratuítos, dirixidos prioritariamente a persoas desempregadas, anotadas na Oficina de Emprego, e están subvencionados pola Consellería de Economía, Emprego e Industria”, segundo informan dende a administración local.

O número de prazas para o alumnado é limitado, con un máximo de 15 persoas por curso, e nestes momentos aínda quedan 2 prazas para o de instalación de mobles.

Os requisitos de acceso do alumnado son os seguintes: estar en posesión da ESO, estudos superiores, ou estar en posesión das competencias clave de nivel 2 de matemáticas, galego e lingua castelá.
As persoas que estean interesadas en realiza-lo curso poden acudir ó Concello Vello do Barco (Praza do Concello, 1), onde se lles facilitará todo tipo de información ó respecto.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close