CulturaCulturaÚltima hora

O concerto de Sés pechará o II Poemagosto en Allariz

O festival de poesía, organizado pola Fundación Vicente Risco, celebrarase o 11 de outubro
A cantante galega Sés.
A cantante galega Sés.

O concerto de Sés porá o colofón ao II Poemagosto – Festival da poesía en Allariz, un amplo abano de actividades en torno á poesía e o magosto que se celebrará no casco antigo da vila e inmediacións vila alaricana o domingo 11 de outubro.

O programa arrancará ás 11:30h. coas Pandereteiras Escachaferreñas e continuará coa presentación do Nº 4 da revista poética “euOnça” (Wladimir
Vaz, editor). Tamén haberá maxia a cargo do Mago Gusi e contacontos “Manda castaña!” (Boa Maré), ademais das presentacións dos poemarios “As marxes do tempo” (Antom Laia, autor) e “Atravesar o fantasma” (Carlos Callón, autor).

En torno ás 14:30h. terá lugar un xantar (doazón mínima de 10 euros, cos tickets dispoñibles na Fundación Vicente Risco e na Libraría Aira das Letras) coa presentación de “Produtos de calidade e poesía” con Fina Rei e Alicornio. A sesión de tarde, acto central do festival arrancará ás 16:30h. co recital de poesía que contará cos poetas: Eli Ríos, Antom Laia, Teresa Ramiro, Lorena Rei, Carlos Callón,  Alfredo Ferreiro, Noelia Gómez, Virgínia do Carmo, João Madureira e Wladimir Vaz.

E xa ás 19:30h. será o concerto de Sés (entradas, 11 euros, á venda na web da Libraría Aira das Letras e na mesma libraría).

As actividades matinais e o recital de poesía celebraranse na praza de Abaixo (en caso de choiva, na praza de Abastos), mentres que o xantar será na propia Fundación e o concerto na carpa instalada no terreo contiguo ao Festival Internacional de Xardíns.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close