CulturaCulturaÚltima hora

O concerto de Sr. Jingles anima o “Terrasón 2020” do Barco

A actuación tivo lugar o venres, 21 de agosto, ás 22:30h nas pistas deportivas do Malecón

 

O paseo do Malecón acolleu o pasado venres, 21 de agosto, a actuación de Sr. Jingles no marco do “Terrasón 2020”. O músico ofreceu un concerto na zona das pistas deportivas, no emprazamento onde habitualmente se sitúan as atraccións das festas. Ata o lugar desprazábanse numerosos veciños para escoitar a música do artista barquense, sempre respectando as medidas de seguridade derivadas da pandemia do coronavirus.

Nun principio, o evento estaba previsto para ás 23:00h pero o xoves, 20 de agosto, a organziación do “Terrasón 2020” decidiu adiantar todos os concertos nocturnos media hora, polo que finalmente a cita foi ás 22:30h. As actuacións desta fin de semana continúan hoxe, sábado 22 de agosto ás 22:30, coa actuación de Sheila Patricia, na Praza José Otero.

Fotos: cedidas.

 

Artigos relacionados

Back to top button