Con música vén de iniciar Viana do Bolo na tarde do 14 de outubro os actos para conmemorar o “Día da Muller Rural”, cuxa data propiamente dita é a do 15 de outubro. Así, a Casa da Cultura acollía a partires das 20h. o concerto “FemininoPlural”, no que Silvia Penide e Carla López interpretaban diversas pezas que tiñan ás mulleres como protagonistas.
No repertorio incluíanse coñecidos temas de cantantes galegas como Guadi Galego, españolas como Amaral ou mesmo internacionais como é o caso da mexicana Julieta Venegas. Os actos para celebrar o “Día da Muller Rural” continuarán o luns 15 de outubro con contacontos e o 18 deste mesmo mes cunha proxección documental, entre outras propostas.
Fotos: Carlos G. Hervella.
