Esta tarde o conselleiro de Sanidade, Julio García Comesaña, visitaba o centro de vacinación contra o Covid-19 habilitado no recinto de Expourense, na cidade das Burgas.
Na cidade de Ourense están convocadas 1.700 persoas para ser vacinadas en Expourense entre as 9h. e as 21h. deste sábado. Catorce equipos de enfermería da Área Sanitaria de Ourense, Verín e O Barco de Valdeorras están sendo os encargados das inmunizacións na cidade, nun operativo que conta co apoio do persoal de loxística, Protección Civil e dos corpos de seguridade locais e autonómicos.
Nesta galería de imaxes pode verse ao conselleiro de Sanidade en diferentes momentos desta visita e, abaixo, cos equipos de vacinacion e cos voluntarios de Protección Civil e Cruz Vermella dentro de Expourense.
Fotos cedidas.
