ConcellosÚltima hora

O Consello Local da Infancia do Barco, no I Encontro Autonómico de Consellos

Celebrábase en Castrelo de Miño na fin de semana do 8 e 9 de xuño e nel estiveron reprsentados dez concellos de Galicia
Nenos barquenses participantes no encontro./ Foto cedida.

Dúas rapazas e dous rapaces de 9 e 11 anos do Barco de Valdeorras acudían os días 8 e 9 de xuño ao I Encontro Autonómico de Consellos Locais da Infancia e a Adolescencia, organizado por UNICEF e a Xunta de Galicia, en colaboración co Concello de Castrelo de Miño.

“Os obxectivos deste encontro eran os de contribuír ao exercicio do dereito dos nenos, nenas e adolescentes a participar en todo o que lles afecta, poñendo en valor o seu dereito a opinar e a ser escoitados. Tamén foi unha oportunidade para intercambiar experiencias entre os diferentes consellos de Galicia, e expor asuntos de interese que xurdan durante a súa celebración”, tal e como se informa dende o Concello do Barco.

O encontro contaba con representantes de 10 concellos de Galicia co fin de acadar puntos de acordo e definir conclusións. Para elo, estiveron traballando en grupos sobre distintas temáticas: participación, medio ambiente, educación, protección e pobreza.

 

Un dos momentos da xuntanza en Castrelo de Miño./ Foto cedida.

As conclusións presentáronas nun acto o domingo 9 de xuño no Concello de Castrelo, ao que asistiu o alcalde do municipio anfitrión, a presidenta de Unicef Galicia e a directora xeral de familia, infancia e dinamización. Tamén se acordou a creación dun consello autónomo de participación para o cal acordaron, neste encontro os nenos e nenas,as primeiras bases que rexerán o seu regulamento.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close