O Auditorio Municipal de Verín acollerá, o venres día 26 de maio, ás 20:30 horas, o Concerto Didáctico do Conservatorio de Verín. Profesores e alumnos un concerto didáctico, enfocado a nenos entre 6 e 14 anos, acompañados de familiares ou adultos. O Grupo de Corda (profesores e alumnos) e a Banda do Conservatorio de Verín, interpretarán temas populares, clásicos e infantís, e presentarán os instrumentos que ofrece o centro.
O Conservatorio Elemental de Música de Verín forma en clarinete, frauta travesera, guitarra, piano, saxofón, trompeta, trombón, viola e violín a persoas que comecen estudos entre os 8 e os 14 anos. Para os de 7 anos ofrece un Curso de Fundamentos Musicais. Para os de 6, un Curso de Música para os máis pequenos.
Os concertos teñen como obxectivo presentarlle aos participantes a sonoridade e a mecánica dos instrumentos que se estudan no Conservatorio Elemental de Música de Verín. A entrada será libre, ata completar aforo