CulturaCulturaGalerías de fotosMúsicaÚltima hora

O Coro Santa Rita, do Barco, o único galego nas Festas da Encina de Ponferrada

Actuarán o luns 9 de setembro na praza Maior, cun repertorio especial para a ocasión

Naceu ao abeiro da igrexa de Santa Rita, de onde colle o nome, hai xa case unha década. Pouco a pouco foise profesionalizando e saíndo a actuar máis alá do templo barquense e hoxe, o Coro Santa Rita do Barco atesoura unha ampla traxectoria musical con actuacións dentro e fóra da comarca de Valdeorras.

Dirixido por Silvina Bravo, o coro está formado por unha quincena de persoas (mulleres e homes de diferentes idades) cunha afección común e, ademais de cantar e dependendo das actuacións, introducen diferentes instrumentos  como acordeón, frauta traveseira, guitarra, percusión,…

Teñen actuado en practicamente todas as catedrais de Galicia e mesmo na TVG, ademais de harmonizar numerosas vodas (o 14 de setembro teñen unha en Xagoaza) que personalizan segundo os gustos dos noivos, e o vindeiro luns 9 de setembro teñen unha nova cita na praza Maior de Ponferrada, nun certame coral no marco das Festas da Encina. “Esta é a terceira vez que nos convidan e somos o único coro galego”, explica orgullosa a directora, adiantando que están preparando un repertorio especial para a ocasión con pasodobres, valses e habaneras. Entre os temas que cantarán figuran Que bonito es El Bierzo e Virgen del Bierzo.

Fotos: Mónica G. Bellver.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close