As alfombras enchían as rúas de diferentes localidades da provincia de Ourense con motivo da celebración do Corpus Christi na mañá do 22 de xuño. Entre elas destaca o caso do Barco onde os veciños do casco antigo levaban días de traballo e preparativos para que estas creacións elaboradas con flores e outro tipo de elementos como sal, serrín ou follas lucisen o máis fermosas posible ao paso da procesión.
Así acontecía ao redor da unha da tarde, cando os nenos de primeira comunión lle abrían paso á procesión no seu percorrido ata a igrexa de San Mauro. Ademais foron moitos os veciños doutras zonas que se achegaban para contemplar o colorido e a multitude de detalle destas obras de arte veciñais.
Ademais a parroquia de Santo Estevo na Rúa celebraba na mañá do 22 de xuño, a procesión do Corpus, que encabezaban os nenos da Primeira Comunión. Despois da eucaristía, a comitiva percorría algunhas das rúas da vila engalanadas polas alfombras florais elaboradas polos veciños
Tamén na capital da provincia se festexaba o Corpus Christi. Ás 10:00 horas comezaba unha presidida por Monseñor Lemos Montanet na Catedral de Ourense e, de seguido, comezaba a procesión de Corpus en Ourense.
Fotos: Ángeles Rodríguez/ Carlos G. Hervella/ Mónica G. Bellver