OurenseÚltima hora

O Cuarteto Talich e Noelia Rodiles abrirán no Teatro Principal de Ourense a VII edición do ciclo Enclave de Cámara

O programa comezará este xoves 10 de outubro e rematará o 4 de xuño no Auditorio

Cuarteto de cordas e piano formado por Talich e Noelia Rodiles.

 

Coa idea de “achegar a música culta a toda a cidadanía”, o ciclo Enclave de Cámara chega á sétima edición con 8 concertos que se sucederán desde outubro ata xuño de 2020, mantendo a súa programación o primeiro xoves de cada mes ás 20h.

O programa arrancará este xoves, 10 de outubro, no Teatro Principal, coa actuación do cuarteto de cordas e piano formado por Talich e Noelia Rodiles (Chequia e España) e en cada un dos concertos, un grupo ou artista de “recoñecido prestixio aboradará un repertorio que nos levará pola historia máis significativa da música, desde Haydn ata o máis contemporáneo, personificado no compositor de Ponteareas, Xabier Mariño, ao que o Enclave encargoulle unha obra para esta temporada que será estreada polo sexteto Airas Ensemble en abril”, explican dende o Concello de Ourense.

 

O concelleiro de Cultura, Mario González e o
promotor do ciclo, Carlos Carbonell, na presentación do VII Enclave de Cámara.

 

O Enclave de Cámara aposta por ofrecer a maior variedade de propostas posibles, desde dúos a tríos clásicos e con piano, non esquecendo o cuarteto de cordas clásico. Ademais do Teatro Principal, tamén acollerán concertos o Liceo (2) e o Auditorio Municipal, que será escenario do último, a cargo da Real Filharmonía de Galicia).

Na presentación do festival, o concelleiro de Cultura Mario González animou á cidadanía a acudir a estes concertos, destacandpo que “é un luxo” contar con formacións e artistas do nivel dos incluídos no programa.

 

Programa.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close