ConcellosGalerías de fotosÚltima hora

O curso de poda e enxerta de castiñeiros de Trives reúne a medio cento de persoas

No Auditorio Julio Vázquez de Trives comezaba ás 9:30h. da mañá do 28 de abril un curso de poda e enxerta de castiñeiros en Trives. A sesión iniciábase coa intervención do alcalde trivés, Domingo Diéguez, que daba a benvida ao case medio cento de asistentes, agradecendolles a súa presenza e tamén dando as grazas aos organizadores (Inorde) desta iniciativa e aos conferenciantes.

De seguido, Servando Álvarez, director técnico do Centro de Desenvolvemento Agrogandeiro presentaba o curso, as partes do mesmo e aos ponentes. Manuel Míguez e máis Gustavo Méndez foron os encargados de explicar a parte de poda e enxerta respectivamente.

Tras unha sesión teórica de máis de dúas horas e un breve descanso cuns petiscos para coller forzas, chegaba o momento de levar á práctica todos eses coñecementos. Así os participantes no curso desprazábanse ata un souto da zona e alí organizábanse dous grupos que foron rotando para ver o mellor xeito de podar e os diferentes tipos de enxertos. Foron outras case dúas horas nas que os alumnos se mostraron moi interesados e participativos.

Fotos: Concello de A Pobra de Trives.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close