Publicidade
OurenseÚltima hora

O CV Aceites Abril de Ourense cae ante un potente Voleibol Sanse

O equipo ourensán ocupa agora a cuarta posición da primeira división nacional

Un momento do partido disputado en Ourense.

 

O partido disputado na mañá do domingo 10 de novembro no polideportivo ourensán de O Pompeo entre o Aceites Abril e o Voleibol Sanse madrileño “foi todo un espectáculo ao que contribuíron os dous equipos con accións dignas dun voleibol de superior categoría, e co triunfo final para as visitantes que demostraron ser un dos máximos favoritos para o ascenso de categoría ao final da tempada”, explican dende o club ourensán.

O primeiro set foi un toma e daca con accioóns espectaculares tanto en ataque como en defensa e con constantes bloqueos na rede que facían de cada punto “unha oda ao bo xogo” ata chegar ao 25/21. O segundo set seguiría o mesmo guión ata o 15 a 13 a favor do Aceites Abril que a partir de aí empezou a encadenar erros que e o levaron a perder por 17-25. O terceiro set foi un calco do segundo, co equipo local collendo vantaxe ata o 15-13 e volvendo acusar o cansancio con novos erros defensivos que acabaron no 18-25. E xa no último set o protagonismo foi para as xogadoras xuvenís que “disputaron puntos de calidade fronte a unhas madrileñas que demostraron en O Pompeo ser un equipo de superior categoría”.

Con este resultado o CV Aceites Abril pasa a ocupar a cuarta praza dunha liga na que ten como gran obxectivo “a permanencia un ano máis nesta primeira división”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close