As galegas vencían por 3 a 1 ás campionas de Andalucía
Da mellor forma posible. Cunha vitoria comezaba o CV Ribeira Sacra a súa aventura no campionato de España de voleibol cadete que se está celebrando en Castellón.
Encadradas no grupo E, as galegas chegaban a terras valencianas na xornada de onte e hoxe, mércores 13 de xuño, tiñan o seu primeiro partido co actual campión de Andalucía, o Club Adecor de Córdoba ao que superaban por 3 a 1.
O segundo partido para o Ribeira Sacra será mañá 14 de xuño ás 11:30h. ante Seguros GP CAVS, campión de Murcia, e o terceiro o 15 de xuño ás 19:30h. ante CECCEL de Cataluña.