DeportesGalerías de fotosÚltima hora

O CV Ribeira Sacra proclámase en Quiroga, subcampión galego cadete feminino

O equipo lucense de voleibol clasíficase para o campionato de España que se celebrará en Almería

O feito de ter o pavillón de Monforte ocupado e a aposta do Concello de Quiroga polo voleibol, levou ao CV Ribeira Sacra a organizar no pavillón municipal quirogués o campionato galego cadete feminino que disputou este domingo, 12 de maio. Unha final na que formaron parte catro equipos e que finalmente se resolvía co Calasancias Coruña como campión autonómico tras vencer ás anfitrioas do Ribeira Sacra por 3 sets a 0. O bronce foi para o Emevé despois de superar en tres parciais moi claros ao CV Zalaeta.

A primeira semifinal arrincaba ás 10h. Agardábase emocionante e non defraudou. Tras un inicio igualado o CV Ribeira Sacra do que forma parte a quiroguesa Carolina Camino (membro da selección permanente), aproveitou a súa superioridade vencendo por 3-1 con parciais 25-16/18-25/25-18/25-21. Con este resultado o equipo monfortino estaba xa clasificado para o campionato de España que se celebrará a mediados de xuño en Almería, pero aínda lle quedaba por xogar a gran final. A segunda semifinal entre Calasancias Coruña e Emevé estivo dominada polas herculinas que acababan vencendo por 3-1 con parciais 25-16/20-25/25-17/25-22.

A xornada da tarde abría coa final de consolación entre CV Zalaeta e Emevé, e a loita polo bronce tivo ás lucenses como claras dominadoras. As coruñesas foron incapaces de reaccionar ante o equipo de Lugo que non dubidou en ningún momento e sentenciou pola vía rápida en tres sets por 25-8, 25-12 e 25-16. Acto seguido, a final arrincou tan emocionante como se esperaba entre Calasancias e Ribeira Sacra con total igualdade e continuo intercambio de puntos, ata que a piques de rematar o primeiro set con empate a 23, o Calasancias fixo os dous puntos definitivos para cegar ao 25-23. A partires de aí o equipo visitante collía confianza e superaba ao Ribeira Sacra por 25-23/25-17/25-17 que levantaba a copa de subcampión.

Na entrega de premios estiveron presentes o alcalde de Quiroga Julio Álvarez, o concelleiro de Deportes Andrés Novoa, o presidente da Federación Galega de Voleibol José A. Luna,  e a presidenta do CV Ribeira Sacra Yolanda Manciñeira.

Fotos: Carlos Julio González.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close