“O de Ourense é un rallye rápido, con moito cambio e duro. É diferente”

O equipo de José Antonio Suárez e Cándido Carrera retirábase do Rallye de Ourense ao sufrir un accidente no tramo de Canón do Sil

Cándido Carrera, copiloto de “Cohete” Suárez ./ Foto: Carlos G. Hervella.

Unhas semanas antes da presentación oficial do 50 Rallye de Ourense, saltaba ás redes sociais a nova: José Antonio “Cohete” Suárez, inmerso no campionato europeo, correrían nas vodas de ouro da proba automobilística. Ao seu carón, o galego Cándido Carrera, celebraba poder regresar á carreira que considera “o rallye de casa”.

Fiel ao seu apelativo, José Antonio e Cándido correron e fixeron as delicias do público, ata o penúltimo tramo da carreira, a segunda pasada do Canón do Sil, un dos seus favoritos, no que sufrían un accidente (sen gravidade) que lle impedía rematar a carreira na que estaban facendo fronte ao líder, o aragonés Cristian García.

¿Como foi o regreso a Ourense?
Moi ben. Facía tempo que non corría en Galicia en asfalto e a verdade é que o de Ourense é un rallye que me trae moi bos recordos porque ganei a miña primeira copa de promoción aquí e ademáis teño moitos amigos na Escudería e na cidade e para min tamén representa un pouco o rallye de casa ao non haber o das Rías. Ademais é dos poucos aos que pode ir verme a miña familia.

¿Canto tempo levabades sen correr aquí?
A última vez foi no 2013, non fai demasiado tempo pero sempre se bota de menos tramos para pasalo ben como o Canón do Sil polo que entraña aínda que a min gústame moito Esgos. Todos me gustan, é un rallye que me gusta moito. Gustaríame que algún ano o meteran por Vilariño Frío a ver se me escoita José Ramón, pero bueno a verdade é que contento?

¿Por que decidistes volver este ano ao Rallye de Ourense?
Pois porque tiñamos un parón ata a seguinte cita do europero que é Polonia a comezos de agosto e decidiuse xunto con Daniel patroón de MMR que nos bota unha man importante (Peugeot España) facer unha proba de asfalto en España e pensamos que Ourense está moi ben e ten moitos quilómetros cronometrados e así aproveitamos para facer test. Ademais divertímonos moito.

Cándido no reagrupamento na Cidade do Transporte en San Cibrao das Viñas./ Foto: Carlos G. Hervella.

¿Que é o que máis che gusta desta proba?
Non sei, supoño que correr entre amigos. Ademais os tramos teñen algo especial. É un rallye rápico con moito cambio de drive, duro, o calor… É un rallye diferente.

¿E que che pareceron os tramos nocturnos? ¿E o feito de celebrarse en dúas xornadas?
A min moi ben. A verdade é que gustaríame que todos os rallyes tiveran tramos nocturno, penso que é algo que forma parte da conducción, de ser hábil e gustaríame que todos tiveron dous ou tres tramos de noite. Bueno, iso os que estamos correndo fóra que sempre imos dous ou tres días tampouco o notamos moito pero o feito da noite si que se bota de menos e gustoume moito cando o vin.

¿Cales son as próximas citas nas que correredes?
No europeo, Polonia, pero non sei se faremos algunha carreira máis antes porque aínda queda moito tempo. Tamén estamos facendo o campionato de terra pero o do Bierzo ao final non se fai entón toca descanso.

¿Asfalto ou terra?
Terra. É moi espectacular e dá moitas sensacións. Sensación de velocidade daa o asfalto pero a de lado e de condución a terra é preciosa.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies