CulturaCulturaÚltima hora

O “Dedalus en Compostela” de Risco, en versión cómic

Este libro, cunha edición de mil exemplares, presentábase na mañá do 20 de abril no Centro Cultural da Deputación
O vicepresidente da Fundación Vicente Risco, o presidente da Deputación e o ilustrador Fernando Iglesias na presentación do libro en Ourense./ Foto: Carlos G. Hervella.
O vicepresidente da Fundación Vicente Risco, o presidente da Deputación e o ilustrador Fernando Iglesias na presentación do libro en Ourense./ Foto: Carlos G. Hervella.

É a primeira obra en formato de banda deseñada editada pola Deputación de Ourense (en colaboración coa Fundación Vicente Risco) e “referida a un personaxe senlleiro da nosa cultura como é Vicente Risco”. Manuel Baltar, presidente desta entidade provincial, referíase con estas palabras ao libro “Dédalus en Compostela”, que vén de saír do prelo e que se presentaba na mañá do 20 de abril no Centro Cultural Marcos Válcarce de Ourense.

Baltar incidía asemade na “alianza entre a Fundación Risco e a Deputación para promover e difundir a obra deste intelectual, máis presente que nunca, porque a súa pegada está nos que seguimos afondando na nosa autonomía e na
identidade social, histórica e cultural da nosa terra”.

A historia desta obra, da que se editaron mil exemplares neste novo formato, discorre en 1926 “cando o (alter ego) de James Joyce peregrina á capital de Galicia, levado por unha forza que se asemella a ese impulso misterioso que moveu a tantas e tantos irlandeses a través dos séculos”, lembraba na presentación Baltar. O azar leva a que se atope co narrador e autor (Vicente Risco) e o paseo polas rúas máis entrañables de Compostela.

A presentación tiña lugar o 20 de abril no Centro Cultural da Deputación./ Foto: Carlos G. Hervella.
A presentación tiña lugar o 20 de abril no Centro Cultural da Deputación./ Foto: Carlos G. Hervella.

No acto tamén interviña o ilustrador do libro Fernando Iglesias, cuxo obxectivo neste proxecto “foi ser fiel ao relato de Risco, precisamente porque el é o protagonista desta narración. E proba diso é que máis do 70 por cento do texto orixinal da obra está recollido no cómic, que ten un punto fantástico porque o relato tamén o é”.

Pola súa banda, Luis Martínez-Risco, vicepresidente da Fundación Vicente Risco, amosaba o seu agradecemento á colaboración e apoio da Deputación para levar a cabo proxectos conxuntamente con esta entidade. E resaltaba que esta obra “dálle unha nova linguaxe e visibilidade a Vicente Risco para que as novas xeracións se acheguen ao autor”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close