DeportesÚltima hora

O deporte afeccionado, protagonista da II Guía do Fútbol Provincial de Ourense

Na publicación recóllese información dos equipos da provincia en distintas modalidades e categorías así como contido extra como reportaxes ou entrevistas
bernardino-gonzalez_manuel-baltar_e-_javier-taboada
Gernardino González, Manuel Baltar e Javier Taboada.

A tempada 2016-2017 de fútbol arranca na provincia coa presentación da II Guía de Fútbol “Ourense, a provincia termal”, na que o deporte afeccionado é o principal protagonista. A publicación conta cun total de 260 páxinas a cor con información de todos os equipos de fútbol da provincia, desde a Terceira División ata a Terceira Autonómica, pasando polo Fútbol Feminino ou o Fútbol de Base. Ademais, conta con iformación sobre o estamento arbitral, datos históricos, estatísticas, reportaxes e entrevistas. Editada co apoio da Deputación, esta publicación ten como obxectivo a promoción do fútbol ourensán.

En palabras do presidente da goberno provincial, Manuel Baltar, esta iniciativa, “que non existe en Galicia nin tampouco no panorama nacional”, ofrece a realidade do fútbol da provincia en todas as categorías. O presidente sinalou que co tempo a guía “formará parte da historia do deporte da provincia de Ourense” e afirmou que a Deputación “seguirá colaborando con este proxecto, do cal son protagonistas os deportistas da nosa provincia”.

Javier Taboada, cofundador de Social Media Sports, agradeceu na presentación de hoxe o apoio da Deputación e da Federación Galega de Fútbol e remarcou “a boa saúde” do fútbol provincial, subliñando que a provincia de Ourense “conta con máis de 45.000 deportistas federados, algo que non acontede noutros lugares”, e destacou tamén “o grande número de afeccionados que cada fin de semana asiste aos partidos nos campos de fútbol por toda a xeografía ourensá”.

Esta guía ten unha tirada de 1.000 exemplares e cada un deles terá un custo de tres euros. Segundo informan dende a Deputación, cos cartos recadados coa venda da publicación, faranse actividades de concienciación contra a violencia no deporte.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close