PolíticaÚltima hora

O deputado Davide Rodríguez (En Marea) leva ao Parlamento os verquidos no Támega

Xunto a outros dous deputados do seu grupo, rexistraba na Mesa do Parlamento unha proposición non de lei e preguntas sobre esta problemática

 

O deputado de En Marea Davide Rodríguez, nunha intervención no Parlamento galego.

Tras a vertedura que se producía o 8 de maio no río Támega na comarca de Monterrei, tres deputados do grupo de En Marea vén de presentar no Parlamento galego dúas iniciativas sobre esta problemática: unha proposición non de lei para o seu debate en pleno e unha pregunta para a súa resposta oral na Comisión 2ª. “Desde o ano 2013 veñen producíndose reiteradamente verteduras ao Támega cando se reinician as obras do AVE e coincidindo con choivas copiosas”, asegúrase no texto das iniciativas os deputados Davide Rodríguez, Antón Sánchez e Marcos Cal.

Ademais lembran que, “a raíz da primeira vertedura en xuño do 2013, a asociación ecoloxista Adega, efectuou varias denuncias tanto á Confederación do Douro como á Consellería de Medio Ambiente, non obtendo resposta, ou no mellor dos casos comentando que non atoparon “restos de ningunha vertedura”. A primeiros do ano 2015, a asociación ecoloxista realiza unha analítica exhaustiva, onde se atopan depósitos de metais pesados típicos de actividades mineiras, e aínda así se fai caso omiso”. E engaden que, “tanto a veciñanza como distintas asociacións, teñen denunciado as UTES responsables e as administracións competentes, que deben velar pola saúde do río e as persoas da zona” e destacan que “o Támega na parte galega, pertence á Rede Natura 2000, zonas de especial conservación”.

Ante isto, na súa proposición non de lei En Marea pide que o Parlamento galego inste “á Xunta de Galicia a tomar as medidas sanitarias e medioambientais necesarias para restablecer as condicións óptimas do río Támega e a impor medidas sancionadoras á empresa responsable dos verquidos de forma urxente”.

Por outra banda, na pregunta presentada para ser respondida en comisión, preguntan “que información ten a Xunta de Galicia sobre estes vertidos habituais no río Támega e afluentes, que medidas sanitarias e medioambientais ten pensado levar a cabo a Xunta para reestablecer as condicións óptimas do río Támega e que medidas sancionadoras ten pensado facer a Xunta de Galicia ca empresa responsable dos vertidos”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close