PolíticaÚltima hora

O deputado Davide Rodríguez pregunta no Parlamento polo “estado de abandono” do Souto de Pumbariños

Veñen de rexistrar unha proposición non de lei pedíndolle a Xunta que “elabore un plan anual de mellora e mantemento do souto”

O Souto de Pumbariños constitúe “unha mostra exemplar do tipo de bosques explotados secularmente por campesiños e campesiñas galegas para a obtención de castañas e madeira (soutos)”, asegura o deputado Davide Rodríguez, engadindo que é “un dos elementos fundamentais do noso patrimonio cultural e natural”. Nel encóntranse exemplares de castiñeiro de gran lonxevidade e extraordinaria beleza, auténticos monumentos vexetais, entre os aque sobresar o coñecido como ”Castiñeiro de Pumbariños”, cuxo perímetro alcanza os 12,15 m.

Mais “o estado actual no que se atopa é lamentable, estando os castiñeiros afectados en elevado grado pola avespiña do castiñeiro e polo chancro, e levando anos sen ser sometido a ningunha clase de poda”, denuncia Davide. Aparte disto, a falta de limpeza no souto, propiedade da Administración autonómica, “fai que a maleza creza entre os castiñeiros, elevando así o risco de propagación de incendios forestais nun concello con alta actividade incendiaria”.

Por todo isto dende o grupo mixto veñen de rexistrar unha proposición non de lei pedíndolle a Xunta de Galicia que “elabore un plan anual de mellora e mantemento do Souto de Pombariños (no concello de Manzaneda), propiedade da Xunta de Galicia e patrimonio natural de tódolos galegos e galegas, así como destinar urxentemente unha partida económica suficiente para facer os traballos de demouca, roza, vacinación contra o chancro do castiñeiro e a solta de Torimus Sinensis para combater a avespiña neste souto”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close