O desfile da “Ludobatucada”, unha das principais actividades da Ludoteca do Campamento Urbano do Concello de Verín

Este ano xirará entorno á temática dos heroes e das heroínas

A Ludoteca de Verán e o Campamento Urbano do Concello de Verín programan unha serie de xornadas ateigadas de actividades para os máis novos que terán lugar entre os días 18 e 31 de xullo. Un dos actos principais destes días será o desfile de “Ludobatucada”, o día 24 de xullo, que este ano xirará entorno á temática “dos heroes e das heroínas”.

 

Durante unha actividade do campamento.

 

Entre os días 18 e 19 de xullo terá lugar unha acampada nocturna no Parque da Alameda. Así, despois do descanso da fin de semana, o luns 22 os participantes recibirán a visita de Protección Civil. Ao día seguinte, terán unha xornada de piscina con inflables e o 24 de xullo, con motivo do Día de Galicia, os menores farán un mapa da comunidade e pintarán unha liña coa bandeira.

O día 26 de xullo será o día grande, xa que é o día do desfile da “Ludobatucada”. Os menores da Ludoteca desfilarán polas rúas de Verín dando a benvida á Batucada 2019. A actividade comeza ás 11:00 horas e farán un percorrido circular desde o CEIP Amaro Refojo por Laureano Peláez, Praza do Concello, Praza da Mercé, Rúa da Cruz e Praza García Barbón. Rematarán con música e baile na xa tradicional “Festa Infantil da Ludoteca” no CEIP Amaro Refojo. Así, as actividades da Batucada 2019 seguirán o 29 de xullo coa Festa da Auga e da Escuma.

O 30 de xullo os pequenos participarán no “Rally Támega”, unha competición na que os cativos deben salvar unha serie de probas e obstáculos incorporados no percorrido. A actividade comeza no río Támega, á altura da ponte de Verín, e finaliza na localidade veciña de Pazos. Por último, para despedir o mes, haberá unha actividade de piragüismo, a partir das 10:30 horas no río Támega.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies