Publicidade
CulturaCulturaGalerías de fotosÚltima hora

O desfile infantil abre a Batucada de Verín 2018

A edición deste ano contará cun tobogán acuático xigante e grupos de toda Galicia

O desfile infantil abría esta mañá o programa da Batucada Verín 2018 que encherá a vila do Támega de música, auga e festa para todas as idades.

En torno ás 11h. comezaba no CEIP Amaro Refojo, o percorrido coas profesións como temática elixida este ano. “Desde o grupo de goberno quixemos aproveitar a diversión de disfrazarse para educar aos cativos en igualdade de oportunidades e dereitos, seguindo así coa liña de mensaxes que ven emitindo o Concello de Verín neste tema”, explicou a Concelleira de Cultura de Verín Emilia Somoza. O desfile remataba de novo no colexio coa tradicional “Festa Infantil da Ludoteca”.

Pola tarde, de 16:30 a 20:30hora, será o turno da “Festa Acuática na Praia fluvial” para que os cativos, e os que non o son tanto desfruten xogando coa auga. Haberá animación musical, inchábeis de terra e, como novidade, un tobogán acuático xigante de 60 metros “que sen dubida será a actividade estrela desta edición da Batucada”. Devandita atracción está enfocada a un público tanto infantil como adulto e o prezo da entrada será de 5 euros por xornada completa.

Para intentar que a Batucada sexa tamén un escenario de difusión para a cultura local, o Concello de Verín organizou para esta edición unha “Batucada Alternativa” na que se poderán escoitar grupos de diferentes estilos. A praza García Barbón acollerá o escenario no que, de 20:30 a 3h. actuarán: o músico Brais Calles (Hang Drum e Didjeridoo) e os grupos locais Dous de Picas (Folk), Boston George (Rock), Mike Wass & Mind Archives (Electrónica).Pero como non podería ser doutra maneira, a auga e a escuma serán os principais protagonistas da batucada. O sábado 28, ás 16:30h. celebrarase na praza García Barbón a gran “Festa da escuma e da auga” coa animación a cargo de Discomóbil A Gramola. Ás 19h. comezará o “Desfile Pasarrúas da Batucada” que sairá da praza Maior e rematará no Pavillón dos Deportes de Verín. Este ano, o desfile contará coa presenza das batucadas Kilomberos de Monte Alto (A Coruña) e Xituma Batuke (Xinzo de Limia). Ao remate do desfile, ás 20:30h. na rúa Irmáns Moreno, Enjoy Disco Móvil Jorge será a encargada da animación musical.

Como fin de festa, o grupo Gin Toni´s pechará esta edición da Batucada cunha actuación na praza García Barbón.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close