CulturaCulturaÚltima hora

O director valdeorrés Ignacio Vilar inicia a rodaxe do seu novo filme “María Solinha”

Redondela, Cangas e a Illa de Toralla serán as localizacións desta historia protagonizada polas novas actrices Grial Montes e Laura Míguez

Un afamado director de teatro chega a Cangas para reconstruír a lenda de María Solinha, unha viúva rica acusada de bruxería pola Inquisición a principios do século XVII. Así arranca a nova historia que Vía Láctea Filmes levará á gran pantalla, María Solinha. Un filme dirixido polo petinés Ignacio Vilar que se rodará entre o 19 de agosto e o 20 de setembro en diferentes localizacións de Redondela, Cangas e a Illa de Toralla, co apoio económico da Xunta entre outras achegas.

Así o anunciaban na presentación que tiña lugar na mañá do 13 de agosto en Cesantes (Redondela, Pontevedra), na que participaban, ademais do director, dúas das actrices protagonistas, Grial Montes e Laura Míguez e o director da Agadic Jacobo Sutil, xunto aos representantes do resto das institucións colaboradoras nesta produción de Vía Láctea Filmes coa TVG. No acto, Sutil explicou que María Solinha é un dos títulos subvencionados na modalidade dirixida a longametraxes de ficción para a gran pantalla, de autoría galega e que contribúan a resaltar a diversidade cinematográfica de Galicia e os recursos creativos, artísticos e técnicos do noso audiovisual, ademais de posuír unha alta capacidade para a súa difusión nacional e internacional. “Non me cabe dúbida de que, como constatou a comisión independente que se encargou de avaliar os proxectos presentados este ano ás subvencións da Agadic, o novo filme de Ignacio Vilar reúne todas estas características, tanto desde o punto de vista do seu valor artístico, como desde o seu compromiso con Galicia, cos profesionais do noso audiovisual e co noso idioma”, dixo.

Xunto a Grial Montes –no papel da María Solinha do século XXI– e de Laura Míguez, forman tamén parte do elenco Santi Prego, Mabel Rivera, Antonio Durán “Morris”, Sheyla Fariñas, Fernando González, Alfonso Agra, Mela Casal, Fran Lareu, Melania Cruz e Jorge Varandela.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close