O 12 de xuño proxectarase o documental “En deuda con todas. Unha historia sobre a penalización do aborto en El Salvador” no Auditorio de A Veiga (Sala O Toural), ás 18.30. Esta acción está organizada pola Asemblea de Cooperación pola Paz Galicia en colaboración co colectivo Rural Mutante.
Este é un “documental social” foi realizado en 2019 froito da colaboración entre ACPP Galicia, Agareso (Asociación Galega de Comunicación para o Cambio Social) e Aprocsal (Asociación de Promotores Comunales Salvadoreños).
Esta acción enmárcase dentro dun pequeno ciclo de proxeccións do documental que tivo as súas primeiras paradas en Betanzos e Lalín. A última será en Foz, en colaboración con Observatorio Mariña pola Igualdade, o venres 18 de Xuño, ás 20.30h, no Edificio CENIMA.
Para asistir será preciso inscribirse a través da seguinte ligazón https://n9.cl/3eyv ou co código QR do cartel.
O proxecto “Elas Deciden” de ACPP Galicia, financiado pola Xunta de Galicia comprende un amplo programa de actividades que se estenderán até o mes de setembro. Entre elas, cóntase este ciclo de proxeccións, a organización dun ciclo formativo para persoas vinculadas coa cooperación internacional sobre Decolonialismo con Enfoque de Xénero, charlas de activistas feministas de El Salvador, entre outras.