Publicidade
CulturaCulturaÚltima hora

O documental “Mar de Terra” de Kepa Junkera, na programación de ViBoMask

Proxectábase na tarde do 9 de xaneiro na Casa da Cultura de Viana do Bolo

Membros da Asociación Robreda, durante a presentación do documental.

Entre as actividades incluídas no programa do VI Festival Internacional Mascarada Ibérica ViBoMask, que se desenvolverá en Viana e Vilariño de Conso do 9 ao 12 de xaneiro, estaba a proxección do documental “Mar de Terra”, un proxecto moi persoal do músico vasco Kepa Junkera.

A proxección tiña lugar ás 20:30h. do 9 de xaneiro na Casa da Cultura de Viana e ía precedida por unha presentación a cargo de Pedro Basalo, da Asociación Robreda, que estaba acompañado por outros membros desta entidade como Luis Basalo, Cristina Fernández, Jorge Domínguez “Minas”.

“Este documental é unha boa oportunidade para revalorizar o que temos e reflexionar sobre como nos ven dende fóra”, aseguraba Basalo, indicando ademais que achega “unha visión moi íntima do Entroido galego” e que isto en boa medida se debe á figura e ao enfoque que Kepa Junkera lle dá ao traballo “porque é unha persoa cun talante predisposto a escoitar e a aprender de todos. E, como el mesmo di na longametraxe, o que máis interesante lle parece son as emocións que esperta esta festa e a transformación que experimenta a xente cuando se viste de boteiro, cigarrón, peliqueiro, oso de salcedo, figuras do Entroido Ribeirao…”.

O traballo aproxímase a diferentes Entroidos da provincia de Ourense como os de Viana do Bolo, Laza, Xinzo, Vilariño de Conso e Manzaneda. Tras o visionado do filme, Pedro Basalo volvía intervir sinalando que este traballo “rodouse en Viana un Martes de Entrudio” e reivindicando “a recuperación dese día grande, que dende hai uns anos en Viana foi perdendo forza no desfile de fulións da mañá e sobre na fariñada da tarde”.

 

Pedro Basalo, durante a súa intervención.

 

Ademais Basalo plantexaba que se o día festivo en Viana “pasase do Mércores de Cinsa ó Martes (como se facía tradicionalmente), non só gañaríamos en ambiente de Entrudio, senón que tamén estaríamos reivindicando a tradición, pois orixinalmente, sobre todo nas aldeas, a festa facíase ó longo de todo o día ata a queima dos lardeiros. Ademais, sería un día moi sinalado para a recuperación das comparsas”.

Fotos cedidas por Pedro Basalo.

 

Cartaz do documental “Mar de Terra”.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close