CulturaCulturaÚltima hora

O documental sobre os encoros no río Sil estréase mañá na Rúa

A proxección do traballo do petinés Domingo Díaz será ás 20:30h. no Centro Cultural Avenida
O alcalde da Rúa, Luis Fernánez e o autor do documental, Domingo Díaz.

Rodado en localizacións da Rúa, O Bolo, Vilariño de Conso ou Os Peares, así como noutras zonas de Lugo como Quiroga e Ribas de Sil, e León como Babia, Laciana e O Bierzo, o documental “O desafío do Sil” xira en torno aos numerosos encoros que ateigan a conca deste río, un tema polo que o seu autor, Domingo Díaz Docampo sempre sentiu curiosidade.

En Petín, a súa localidade natal, Saltos do Sil construía un poboado e tamén o colexio onde el mesmo estudou. Incluso algúns dos seus profesores traballaban nesa empresa. “Da historia do Sil atraénme moitas cousas: a audacia duns empresarios que souberon adiantarse a súa época e ver as posibilidades de negocio, a xenialidade duns novos enxeñeiros, con apenas experiencia que construíron obras pioneiras en Europa; e a capacidade de esforzo e entendemento de todos os directivos e empregados para salvar calquera obstáculo. E, sobre todo, o cambio social e económico que significou a presenza das obras en núcleos, ata entón, exclusivamente rurais”, si o autor.

Despois de presentarse a mediados de novembro no Festival Cineuropa en Santiago, Díaz Docampo compartirá a longametraxe documental cos valdeorreses, coa estrea mañá 5 de decembro ás 20:30h. no Centro Cultural Avenida da Rúa. A entrada será por invitacióne e haberá dous novos pases os días 6 e 7 de decembro ás 20:30h. nesa mesa sala.

A presentación da estrea tiña lugar esta mañá no Salón de Plenos do Concello da Rúa por parte do propio Domingo e do alcalde rues, Luis Fernández Gudiña.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close