OurenseÚltima hora

O Eixo Atlántico aproba un orzamento de 4,5 millóns de euros para o 2022

Esta entidade transfronteiriza, da que forman parte concellos como O Barco ou O Carballiño, celebraba hoxe a súa asemblea en Santiago, onde Lara Méndez era elixida nova presidenta

Publicidade

 

A Asemblea Xeral do Eixo Atlántico do Noroeste Peninsular, entidade que cumpre 30 anos de vida, vén de aprobar na súa asemblea xeral celebrada neste mércores o programa para o 2022 centrado en 5 eixos prioritarios: cohesión social, sostenibilidade urbana, innovación, desenvolvemento económico e internacionalización. Os representantes dos 39 municipios e diputacións que integran o Eixo Atlántico aprobaron tamén un presuposto de máis de 4 millóns e medio de euros.

Ademais, no decurso deste encontro Lara Méndez, alcaldesa de Lugo, foi elexida presidenta do Eixo Atlántico na Asamblea Xeral celebrada en Santiago de Compostela no 30º aniversario da entidade

A Asamblea, a primeira presencial tras a pandemia, celebrouse en Santiago de Compostela como recoñecemento ao Camiño de Santiago e ao sector turístico, un dos máis castigados pola pandemia e que vai xogar un papel importante na recuperación económica. O alcalde compostelán Xosé S. Bugallo mostrouse “moi satisfeito de que a nosa cidade acolla esta importante reunión, ademáis no contexto desde Ano Santo que esperemos sexa o da recuperación económica e da saída a esta crise”. Ademais o rexedor quixo “reivindicar o papel que tiveron os concellos durante este periodo crítico, xa que contribuiron dunha maneira moi salientable a reactivar os sectores máis perxudicados pola crise económica, social e sanitaria”.

Na asemblea aprobouse o informe de xestión política do presidente salinte e alcalde de Braga, Ricardo Rio, recoñecéndoselle “o extraordinario traballo realizado nas condicións, probablemente, máis difíciles nos 30 anos de vida do Eixo Atlántico xa que lle tocou xestionar os dous anos de pandemia e a consecuente paralización das actividades”. A pesar diso, durante a súa presidencia desenvolvéronse accións altamente innovadoras a nivel europeo como a conferencia de alcaldes e expertos de alto nivel de Pontevedra. Nesta reunión aprobáronse modelos e estratexias para xestionar as consecuencias ocasionadas no económico e no social das cidades tras a pandemia.
Durante a presidencia de Ricardo Rio tamén se iniciou o proceso de internacionalización do Eixo Atlántico con 5 proxectos aprobados e financiados pola Comisión Europea en Asia, Canadá e América do Sur.

Para Ricardo Rio: “O tempo é algo que non flúe sen que nel debamos deixar a nos amarca, o noso traballo e o noso espíritu crítico e decidido, sendo esta a mellor herencia e futuro que podremos deixar ás próximas xeracións. O período no que, con extremo orgullo e determinación, liderei os destinos do Eixo Atlántico foi significativo e espero que as bases lanzadas nos proxectos ata aquí desenvoltas, sexa unha plataforma prolífica para o destino do Eixo Atlántico con evidentes ventaxas para toda a eurorrexión e os seus ciudadáns. Xuntos continuaremos sendo máis fortes.

A Asamblea recoñeceu “especialmente o esfuerzo na coordinación e no intercambio de información realizado polo Eixo Atlántico durante o confinamento, as xestións co Goberno de Portugal e a Xunta de Galicia para minorar as limitacións dos gobernos sobre a mobilidade entre poblacións de ambos lados da fronteira”. Especialmente, valorouse a creación das comisións políticas que garantizan a participación activa de todos os alcaldes e alcaldesas na identificación das actuacións para saír da crise, así como una estratexia conxunta para a xestión dos Fondos Next Generation.

Os eixos do programa para o 2022

O programa para 2022 aprobado na Asamblea Xeral impulsa un conxunto de propostas en sintonía con a nueva política da Unión Europea, e os seus instrumentos financieiros para o periodo de 2021-2027. O Plan de Mobilidade Urbana Sostible, o mapa de cohesión social, o Plan de Sostibilidade Urbana e o Plan de Descarbonización do Sistema Urbano do Eixo Atlántico, entroncan co Pacto Verde Europeo, o Nuevo Bauhaus ou as medidas enerxéticas que a Comisión Europea está desenvolvendo.

Entre estas, o Eixo Atlántico presta especial atención a plans enerxéticos que melloran a competitividade e favorecen o descenso dos prezos da enerxía, a calidade do aire e a prevención da contaminación atmosférica, causante dun elevado número de casos de cancro de pulmón. Igualmente, nos próximos meses presentarase o primeiro informe socioeconómico do Eixo que constitúe unha fotografía en alta definición da situación social e económica das nosas ciudades e do territorio tras a pandemia.

No ámbito do desenvolvemento económico continuarase o diálogo cos gobernos para a mellora das conexións ferroviarias e a conexión vertical Lisboa- Coruña coa saída sur de Vigo e a nova liña ferroviaria Oporto-Vigo, complementaria da liña do Miño. Así mesmo, verificarase que o AVE galego cumpra todos os parámetros dun tren de Alta Velocidade de última xeración. Tamén se vixilará que a chegada do AVE non oculte outras necesidades pendentes dende fai moito tempo e que cada vez son máis urxentes.

A dixitalización e o turismo constitúen actuacións prioritarias no programa co desenvolvemento de conceptos promovidos polo Eixo Atlántico nos seus 30 anos: o turismo trasfronteirizo e o turismo de autor.

Finalmente, a cultura, a educación e o deporte, señas de identidade do Eixo Atlántico, contribuirán á reconstrucción do texido cultural e da cohesión social tras a pandemia. Toda esta experiencia constituirá o contido das estratexias de internacionalización que promove a posta en valor das experiencias máis innovadoras das nosas ciudades no plano internacional (con especial interés con cidades de Asia e América, tanto do Norte, como do Sur), así como o impulso a novos proxectos conxuntos cofinanciados pola Comisión Europea.

 

 

Lara Méndez, primeira presidenta do Eixo Atlántico

A alcaldesa de Lugo, Lara Méndez, agradeceu a confianza posta en ela para presidir a nova etapa do Eixo Atlántico, “que será de especial transcendencia porque os concellos afrontamos enormes retos derivados da crise sanitaria, social e económica post pandemia, e se nos abre agora unha oportunidade única cos fondos europeos para camiñar cara unha transformación real dos nosos territorios para saír reforzados. As entidades locais debemos traballar unidas e situar a nosa influencia no ámbito que lle corresponde xa que fomos as que contivemos os efectos máis perniciosos da pandemia, e somos as que temos a capacidade de coñecer as necesidades e de axilizar a execución das respostas”.

Pola súa parte, o Secretario Xeral do Eixo, Xoan Vázquez Mao, resaltou o feito de que tras unha crise económica que afectou de maneira singular a Portugal e España e unha pandemia, “o Eixo Atlántico continúa en primera liña con novas incorporacións de municipios, como máis cidades que solicitaron a súa adhesión; cun programa e un presuposto consolidado máis ambicioso, incluso por encima de anos anteriores á pandemia ao que se une a súa posición de liderazgo en Asia e América”.

Artigos relacionados

Back to top button