Entroido 2020Galerías de fotosOurenseÚltima hora

O Entroido de Barbadás vive o seu día grande cun festivo desfile de comparsas

O Concello repartiu máis de 5.700 euros en premios

 

Moitas foron as novidades do Entroido 2020 en Barbadás. Entre elas a recuperación da Cea de Comadres que levaba anos sen celebrarse, así como a celebración dunha festa e concurso de disfraces infantil o Luns de Entroido, tendo en conta o volumen de poboación infantil que existe en Barbadás.

Tamén foi novidoso o cambio de itinerario dos escolares do colexio O Ruxidoiro, que en lugar de ir dende o centro educativo ata a capela das Lamas, desfilaron pola avenida de Celanova ata o cruce coa rúa Porto do Río. Un cambio que propiciou que o desfile dos nenos fora máis vistoso e que a veciñanza e os pais puideran velo  con máis comodidade, segundo explican dende o Concello.

 

 

Na edición do desfile do Entroido de 2020 tamén se introduciron cambios nas categorías de participantes, creándose categorías especiais: ao deseño, á animación e á máis numerosa. Tamén se fixo unha redistribución dos premios, recibindo as mellores comparsas e carrozas 900 euros, as segundas clasificadas 700 euros e as terceiras 500.

De feito, o desfile celebrado na tarde do Martes de Entroido foi unha das actividades máis destacadas e chamativas do programa, cun total de 200 participantes entre comparsas, carrozas, individuais, tríos, parellas e infantís, ademais dos grupos musicais, procedentes de municipios como Cartelle, San Cibrao, Ourense, Coles ou Pereiro.

Dende as 16 horas, as principais rúas do concello enchéronse de cor, fantasía e humor. Ao rematar, os  premios do Entroido 2020 concedidos polo xurado foron os seguintes:

INFANTIL (6-9 anos):
1.- Monster Krakken (bono agasallo 200€)

INDIVIDUAIS:
1.- A árbore da vida (200€)

PARELLAS/TRÍOS:
1.- Bosque máxico (300€)
2.- Fantasía global (150€)
3.- Operación Conichas (100€)

COMPARSAS:
1.- O parque acuático do Cájome (900€)
2.- Ouren Park (700€)
3.- Colorinchos (500€)

CARROZAS:
1.- Curuxeiras (900€)
2.- El gran showman (700€)
3.- Os Lolailos A Quinta Estación (500€)

CATEGORÍAS ESPECIAIS:
ESPECIAL DESEÑO: La boda del año (200€)
ESPECIAL ANIMACIÓN: Piratas del caribe (200€)
MÁIS NUMEROSA: Gotham City (200€)

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close