Publicidade
ConcellosÚltima hora

O Entroido de Viana e a L Festa da Androlla xa teñen cartel

O traballo ganador do concurso convocado polo Concello é o titulado "Jaesdama Viana", presentado por Jaume Gubianas Escudé

Publicidade
Os membros do xurado, co alcalde de Viana e da concelleira de Cultura./ Foto cedida.

 

O Concello de Viana do Bolo vén de facer público o fallo do xurado do concurso de cartel para o Entroido 2020 e para a L Festa da Androlla nesta vila. O ganador desta edición é o traballo titulado “Jaesdama Viana”, presentado por Jaume Gubianas Escudé.

O alcalde de Viana do Bolo, Secundino Fernández, destacaba o “grande volume de obras e de grande calidade presentados ao concurso, un total de 42 carteis” e tamén lembra que “este ano o Concello, con motivo da 50 edición da festa da androlla, triplicou o premio para o gañador do cartaz anunciador. Este ano o premio é de 1500 €”.

O xurado estaba formado polo ourensán Xosé Lois “O Carrabouxo”, recoñecido e aprezado debuxante e humorista gráfico galego; Mónica Alonso, doutora en Belas Artes e artista plástica, e Mercedes Vázquez, fotógrafa.

 

Jaume Gubianas, autor da obra ganadora, sostendo o cartel.

 

“O cartel foi selecionado atendendo á súa creatividade para reflectir a meirande parte dos elementos propios e únicos do Entroido de Viana do Bolo. O xurado tamén entendeu que se lle debía dar unha mención especial ao cartel “Ferrete 2020″, pertencente a Roberto Castro Iglesias polo seu valor artístico e orixinalidade”, explica o rexedor vianés.

Secundino Fernández resaltaba, ademais da gran participación no concurso, o feito de que as obras chegasen dende “dende diversos lugares da península ibérica, o que dá unha idea do realce e da importancia deste concurso e tamén do interese que está a coller, ano tras ano, o Entroido de Viana do Bolo e o seu produto máis típico, a androlla. De feito, o gañador do concurso é un deseñador de Cataluña que non coñece Viana do Bolo en persoa e a mención especial tampouco ten relación con Viana”.

Imaxes cedidas.

O cartel “Ferrete 2020” de Roberto Catro Iglesias recibía ademais unha mención do xurado.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close