ConcellosÚltima hora

O equipo de goberno de Viana leva ao pleno un orzamento de 2,9 millóns de euros

Nesa mesma sesión, prevista para o 3 de outubro, tamén tomará posesión como concelleiro o socialista Santiago Barja

Imaxe dunha sesión plenaria en Viana do Bolo.

 

Entre os puntos da orde do día do pleno ordinario que celebrará a Corporación de Viana do Bolo o vindeiro 3 de outubro figuran a proposta de orzamento xeral para o ano 2020, que ascende “a 2.944.738,33 euros, o que supón un aumento de 210.438,33 euros con respecto ao exercicio anterior”, segundo o alcalde vianés Secundino Fernández, do BNG, que goberna en minoría.

Do conxunto do orzamento, un importe de 537.917,75 euros destínase a investimentos reais referentes a proxectos como: a aportación municipal ao convenio para o arranxo da estrada de San Agostiño (300.000 euros), a pavimentación de rúas en Penouta, Pixeiros e Mourisca (100.000 euros), a reforma e acondicionamento do antigo Centro de Saúde de Viana do Bolo (66.917,75 euros) e rehabilitación de locais sociais en Fornelos de Cova e San Mamede (70.000 euros).

 

O socialista Santiago Barja, ao fondo no centro da imaxe, ocupando a cadeira de concelleiro en Viana na anterior lexislatura./ Foto: Carlos G. Hervella.

 

Nesta mesma sesión plenaria está previsto que tome posesión como concelleiro o socialista Santiago Barja, tras a demisión do edil, Pablo Salgado, que encabezaba a candidatura do PSdeG-PSOE nas municipais. Barja foi xa edil en Viana na anterior lexislatura.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close