O equipo de Iván, Aitana e Arlet, campións do torneo 3×3 universitario de voleibol mixto, en Ourense

Na competición participaron 21 xogadores e rematou hoxe, despois de cinco meses de liga

Hoxe, luns 12 de marzo rematou coa disputa da final e do 3º e 4º postos, a liga de 3×3 universitaria de voleibol mixto en Ourense. Un campionato que comezaba hai case 5 meses, xogándose todos os luns ao mediodía.

A competición, na que participaron 21 xogadores, foi moi igualada entre os dous primeiros equipos da liga: o formado por Iván, Aitana e Arlet e o de Rubén, Tania e Clara, marcando a diferenza en todo o campionato chegando ata os cruces igualados de vitorias, aínda que foi o equipo de Iván o primeiro da liga, despois de enfrontarse en semifinal ao equipo de Sara, Santiago e Nuria que non tivo nada que facer. Na outra semifinal, o equipo de Rubén enfrontábase ao de Borja, Cristina e Agus, impoñéndose o primeiro sen cometer erros, tras un partido igualado.

Na loita polo 3º e 4º possto, o equipo de Sara, Nuria e Santiago impúxose ao de Borja, Agus e Cristina quedando terceiro neste ano de competición. E xa na gran final entre os dous equipos que quedaron primeiros durante a liga, o encontro comezou moi igualado con puntos longos e traballados por ambos planteis pero chegados ao ecuador o equipo de Iván, Aitana e Arlet conseguían unha vantaxe que souberon manexar gañando o primeiro set. O segundo set foi un espello, cos dous equipoa igualados ata o punto 14-14 cunha mala racha do equipo de Rubén que os levou a perder o set e o encontro.

Despois de cinco meses de competición Iván, Aitana e Arlet proclamábanse campións desta edición do torneo 3×3 de voleibol, logrando o obxectivo que non era outro que “todo o mundo gozase do voleibol” esperando por parte de Deportes do Campus de Ourense “volver repetir o nivel deste ano e seguir fomentando este deporte de voleibol”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies