Nesta competición, que se desenvolvía en Santander, tamén se subía ao podio José Manuel Fdez, cun bronce en M-45
Destacados resultados valdeorreses no Campionato de España de 10 km en ruta que desputaba o 21 de maio. O Club Adas Proinor conseguía facerse co subcampionato por equipos absoluto feminino nesta cita que se celebraba en Santander. O equipo estaba formado por Ester, Iría, Sandra e Leticia.
Ademais o club destaca, no apartado individual, o bronce de José Manuel Fernández en M45, o cuarto posto absoluto de Ester Navarrete e o sexto de Iria Fernández en W35. O equipo de veteranos (Iván Fdez, Marco, Gilberto e Pepe Marquez) lograban un cuarto posto en M35, segundo vén de facer público o Adas.
O club tamén resalta a “tremenda humidade” coa que realizaba a competición, o que supuxo “que moitos participantes tiveran que abandonar”.
Fotos