CulturaCulturaGalerías de fotosMúsicaÚltima hora

O estilo “caleidoscópico” da Banda da Loba enche de ritmo, versos e música O Barco

O seu concerto tiña lugar na noite do 13 de xullo á beira do Sil, no marco do ciclo “De Perto”

Cun “popurri de mulleres” que levantaba ao público das súas cadeiras e o convidaba a bailar e cantar finalizaba o concerto que a Banda da Loba ofrecía á orela do Sil, nunha bochornosa noite de 13 de xullo no Barco. Era un recital que achegaba á reflexión, pero tamén á festa, e no que, cun estilo “caleidoscópico”, tal e como a propia a banda o definía, conquistába ao público dende o principio.

Marcela Porto (batería), Andrea Porto (baixo), Estela Rodríguez (violín), Inés Mirás (guitarra) e Xiana Lastra (voz) despregaban un recital de temas propios como o de “Nunca ninguén”, “Pepa”, a descoñecida heroína que dá nome á banda; ou “Afogadas” que recolle a historia dunha aldea ourensá asolagada polos encoros, así como de particulares versións musicais de poemas de autores galegos como Manuel María ou Celso Emilio Ferreiro.

A seguinte cita con De Perto retomará a narración oral da man do contador vigués Avelino González o vindeiro 17 de xullo ás 20:30h. no Xardín da Casa Grande de Viloira.

Fotos: Ángeles Rodríguez.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close