ConcellosGalerías de fotosÚltima hora

O experto Lolo Andrade destrúe dous niños de velutina a gran altura en Valdeorras

Un deles estaba en Portela (Vilamartín) e nel disparaba munición con veleno, mentres que o outro, localizado no Aguillón rues, facíao explotar

 

Primeiro no Aguillón da Rúa e logo en Portela (Vilamartín). Esta é a segunda ocasión na que o experto en Vespa velutina Lolo Andrade, entomólogo e técnico de Protección Civil de Cambre, vén a Valdeorras para destruír niños de difícil acceso desta especie invasora.

Así, tras o labor realizado o pasado outono en varios niños da comarca, desta volta regresaba na mañá do 26 de outubro para neutralizar dous niños de gran tamaño e a gran altura usando dúas técnicas moi diferentes. No caso do niño localizado no Aguillón usaba un petardo para facelo explotar.

A continuación, en Portela (Vilamartín de Valdeorras) empregaba, por vez primeira en Valdeorras, unha especie de munición á que lle inoculaba un veleno e que introducía no niño a través de repetidos disparos. “O veleno leva un aditivo que a velutina colle na boca e que se van traspasando unhas a outras. Tardarán 3-4 días en morrer”, comentaba Andrade, que estimaba en 3.000 o número de exemplares deste niño.

 

 

 

Nestas intervencións Lolo Andrade estaba acompañado por membros de Protección Civil da Rúa, de Petín, de Vilamartín e do Bolo, así como polo presidente da Asociación Valdeorresa de Apicultores, Armando Rodríguez, e no caso da Rúa tamén pola Policía Local, que acordoou a zona.

Dende a Asociación Valdeorresa de Apicultores recoméndase non realizar desbroces ata xaneiro, ante o risco que pode supor que haxa niños na maleza ou no chan, xa que “neste época do ano é canto máis grandes son e están cheos de avespas. A partires de decembro, cando comezan as xeadas, as avespas morren e nos meses de xaneiro, febreiro e marzo non hai perigo para desbrozar”, asegura Armando Rodríguez.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close