OurenseÚltima hora

O Festival de Teatro Galego cumpre 30 anos no Carballiño

Celebrarase do 2 ao 6 de setembro e contará coa presenza de dez compañías de teatro e novo circo

Presentación da XXX edición do FETEGA (Festival do Teatro Galego).

 

Cun completo e variado programa de actividades para os asistentes, se presenta o Festival de Teatro Galego (FETEGA) que celebrará do 2 ao 6 de setembro a XXX edición no Carballiño. A presentación tiña lugar na mañá do 22 de agosto no Pazo Provincial, coa participación do vicepresidente da Deputación de Ourense, Rosendo Fernández; o director da AGADIC, Jacobo Sutil; o alcalde do Carballiño, Francisco Fumega; o representante da empresa Montañesa, Manuel Carballeda; algúns dos actores e actrices presentes nesta edición do Festival; e a directora do FETEGA, Josi Lage.

lage foi a encargada de expoñer as novidades do 30ª aniversario deste evento que pasará a chamarse Festival de Teatro Galego “Celso Parada”, en homenaxe “a este actor e director vital das artes escénicas galegas, que nos deixou recentemente”. a directora do FETEGA tamén destacou, o incremento da programación a cinco días; o ciclo de monólogos; e o aumento das categorías dos premios que pasan a ser seis: Premio de Honra, Premio á mellor actriz, Premio ao mellor actor, Premio ao mellor espectáculo, Premio ao mellor espectáculo de rúa e o Premio ao mellor monologuista cómico.

O alcalde do Carballiño pola súa banda asegurou que a celebración deste Festival significa para o municipio “compromiso coa cultura, implicación de moita xente e unha plataforma para actores do teatro galego”; mentres que Rosendo Fernández, salientou a importancia da colaboración público e privada para poder desenvolver estas iniciativas que “dinamizan a actividade cultural do rural”.

 

Os asistentes á presentación do 30 aniversario do FETEGA.

 

Con respecto á programación, as representacións que se celebrarán no Auditorio Municipal do Carballiño, ás 22 horas, comezarán o luns 2 de setembro coa obra Anatomía dunha serea, da compañía Iria Pinheiro-A Berbechería-Chévere; o martes 3 de setembro, será a quenda para a obra Compañeira de piso, da compañía Contraproducións; o mércores 4 de setembro subirá ao escenario a companía Chévere coa obra Curva España; e ao día seguinte, o 5 de setembro, actuará a compañía Redrum Teatro coa obra Idiota. O venres 6 de setembro, pechará a programación a compañía Enconarte Producciones, coa obra Monstruación. Será tamén nesa mesma xornada a Gala e entrega dos premios “Dorotea Bárcena”, conducida por Marían Bañobre.

O Anfiteatro será outro dos escenarios das actividades programadas que darán comezo o luns día 2 coa actuación Catro 4’’ segundos (Novo Circo da Compañía ÍO); o 3 de setembro será a compañía Dani García a que protagonice Don Gelati (Maxia Clown); o 4 de setembro tocaralle á compañía Excéntricas con “Cartoóns” (Comedia Clown); o 5 de setembro será a quenda para Asacocirco co espectáculo Lume (Circo Performático). E xa o venres 6 de setembro pechará as actuacións a compañía Sue Moreno co espectáculo Sue Moreno 4.0 (Circo acrobático). Os espectáculos serán todos ás 19 horas.

Como actividades paralelas haberá animación de rúa; un coloquio de creadoras baixo o título “Arte con nome de muller”; obradoiros; monólogos cómicos;e actividades infantís. O prezo das entradas para as funcións no Auditorio é de 5 euros, e para os monólogos é de 3 euros, mentres que o resto das actividades serán de balde.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close