Publicidade
CulturaCulturaÚltima hora

O Festival Internacional de Curtas de Verín presenta o cartel da V edición que se celebrará entre o 5 e o 13 de setembro

Unha nave espacial que abduce Verín e os seus edificios máis representativos é a idea creativa sobre a que se asenta o deseño

A deseñadora Olalla Diéguez co cartel ilustrador do V FIC-VÍA XIV de Verín. Foto: FIC Verín.

 

A deseñadora Olalla Diéguez Boo, natural de Matamá (Laza), é a autora do cartel ilustrador da V edición do FIC Vía XIV de Verín, que se celebrará na vila do Támega entre o 5 e o 13 de setembro. A idea creativa sobre a que xira é a ciencia-ficción. Así, a autora presenta unha nave espacial que abduce algúns dos edificios máis representativos de Verín, perfectamente recoñecibles no deseño, como “metáfora do poder da sétima arte, que envolve a vila durante os días que dura o certame”, explican dende a organización do Festival Internacional de Curtas de Verín.

Segundo a creativa, “calquera deseño debe contar unha historia e calquera historia debe ter un protagonista”. Neste sentido, remarca que “eu tiña claro que quería dar protagonismo á vila de Verín”. É por iso que representou no cartel algúns dos edificios máis emblemáticos da localidade como é o caso da casa reitoral.

No que respecta aos preparativos da quinta edición do certame, o director do FIC Vía XIV, Carlos Montero, destaca que “en principio, estanse a efectuar con relativa normalidade”. A Asociación Cultural Vía XIV traballa pensando que en setembro vai ser posible realizar ofestival e, en todo caso, “calquera decisión final sobre a súa celebración nas datas inicialmente previstas quedaría supeditada a como evolucione a crise sanitaria provocada pola pandemia de coronavirus”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close