O FIC Vía XIV 2017 xerou impactos en medios por valor de case 315.000 euros

O director do FIC Vía XIV de Verín, Carlos Montero, confía en que “a excelente repercusión obtida polo festival en 2017 axudará a que se poidan pechar novos patrocinios para a edición deste ano”

Imaxe da pasada edición do FIC Vía XIV de Verín./ Foto: Carlos G. Hervella.

A segunda edición do FIC (Festival Internacional de Curtas) Vía XIV, celebrada no pasado mes de decembro en Verín, xerou un total de 82 impactos en medios cuxo valor global ascende a 314.862 euros cunha audiencia de 20.209.000 persoas, segundo vén de facer público a organización da mostra. Esta cantidade, que equivale ao valor publicitario das novas publicadas sobre o certame, reflíctese nun informe elaborado pola empresa Kantar Media e remitido recentemente á Dirección do Festival.

“Do total de impactos publicados en medios, 39 corresponden a novas de prensa; 21 foron divulgados en Internet; 17 en radio e 5 en televisión. En canto ao valor económico segundo a canle, os impactos de prensa xeraron un montante de case 72.000 euros; os de Internet, un valor de preto de 115.000 euros; os de radio, máis de 112.000 euros e, finalmente, o valor conxunto dos de televisión, ascendeu a máis de 15.500 euros”, segundo a organización do certame.

Pechar novos patrocinios

Por outra banda, segundo se desprende do informe de Kantar Media, a meirande parte dos impactos sobre o FIC Vía XIV foron publicados ou emitidos en medios locais e autonómicos. Porén, tamén se divulgaron informacións sobre o certame en medios de fóra de Galicia, como pode ser el caso do xornal catalán La Vanguardia.

O director do FIC Vía XIV, Carlos Montero, confía en que “a excelente repercusión obtida polo festival en 2017 axudará a que se poidan pechar novos patrocinios para a edición deste ano”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies