Un ano máis o futuro do Club Deportivo Rúa é incerto. Moito teñen loitado algúns afeccionados por manter vivo ao club aínda que parece que son minoría e pouco lles importa ao resto que o mítico club desapareza. Polo menos esa é a sensación que queda trala última asemblea de socios celebrada na Rúa na tarde do 7 de xuño.
Unha semana antes, a directiva da tempada 2015/2016 con Juan Carlos Barrocas ao fronte, presentaba a dimisión e convocaba unha nova asemblea para que se presentara unha alternativa que collera as rendas. Mais ningén o fixo e á reunión apenas se presentaron unha decena de socios.
Ante esta situación, o club queda sen directiva e cun prazo de 15 días para que alguén se faga cargo e inscriba ao equipo (ou equipos) na Federación. O prazo remata o 23 deste mes de xuño.